Почетна

     Изворот Студенчица се наоѓа на источната страна на планината Бистра на надморска висина од 965 метри, 4-5 километри возводно од село Горно Добреноец, Општина Кичево. Географската сливна површина на реката Студенчица заклучно до изворот изнесува 22,4 km2, но како и другите извори во ова подрачје, така и изворот Студенчица се прихранува и од соседните сливни подрачја, односно има долги патишта на прихранување. Карактеристично за изворот е што носи студена снежница, поради што и изворот и реката го носат името по студената бистра вода.

 Изворот и текот на реката Студенчица

  

Издашноста на изворот во текот на месец февруари 2023 година се движеше во граници од 1472 литри во секунда како минимална, до 1705 литри во секунда како максимална вредност на проток. Средната вредност за месец февруари изнесува 1552 литри во секунда.
Средната вредност на водостој на Каптажа изнесува 41.70 сантиметри, максималната 43.30 додека пак минималната е 40.80 сантиметри.

Измерените податоци за издашноста на изворот и за водостојот во текот на сите месеци од 2023 година може да се видат на оваа табела.

Табеларен преглед на минималните, средните и максималните вредности на водостој и проток на Каптажа за 2022 година.

  2022

SCADA ситемот на ЈП Студенчица Кичево служи за воведување на мерење на сите превземени количини на вода од страна на корисниците на водоводот.

Основни карактеристики на SCADA системот се:

- Автоматско управување со распределбата на вода врз основа на предефинирани протоци и количини во зависност од расположливата количина на вода

- Сигнализации и аларми за разни пореметувања во системот

- Визуелизација на системот и негово целосно пратење од едно место

 

ЈП Студенчица во јануари 2014 година ја пушти во работа МХЕ Добреноец со инсталирана моќност од 460kW при проток од 300l/s.

Планирано годишно производство на електрична енергија од хидроцентралата: 2.430.000 kWh

  

  • Вие сте на:  
  • Дома